സംസ്ഥാനത്ത് 35 പേർക്ക് കൂടി സൂര്യാഘാതം; ഇതുവരെ സൂര്യാഘാതം ഏറ്റത് 721 പേർക്ക്

തി​രു​വ​ന​ന്ത​പു​രം: സം​സ്ഥാ​ന​ത്ത് കടുത്ത ചൂട് തുടരുമ്പോൾ ഞാ‍യ​റാ​ഴ്ച 35 പേ​ര്‍ക്കു​കൂ​ടി സൂര്യാഘാതമേറ്റു. കഴിഞ്ഞ ഒരു മാസമായി 721 പേർക്കാണ് പൊള്ളലേറ്റത്. എ​റ​ണാ​കു​ളം, പാ​ല​ക്കാ​ട് ജി​ല്ല​ക​ളി​ൽ ഒ​രാ​ൾ​ വീ​തം 13 പേ​ര്‍ക്ക് സൂ​ര്യാ​ഘാതമേറ്റിട്ടുള്ള പൊ​ള്ള​ലും 20 പേ​ര്‍ക്ക് ശ​രീ​ര​ത്തി​ല്‍ ചൂട് മൂലമുള്ള പാടുകളും പ്രത്യക്ഷപെട്ടു.

Also Read “അമേഠിയിലും വയനാടും ബി.ജെ.പി. തന്നെ വിജയിക്കും”: മനേക ഗാന്ധി

ആ​ല​പ്പു​ഴയിൽ നാല് പേർക്ക് പൊള്ളലേറ്റു. കോ​ട്ട​യം, പാ​ല​ക്കാ​ട് ജി​ല്ല​ക​ളി​ൽ മൂ​ന്നു​പേ​ർ​ക്കും എ​റ​ണാ​കു​ള​ത്ത് ര​ണ്ടു​പേ​ർ​ക്കും കാ​സ​ർ​കോ​ട് ഒ​രാ​ൾ​ക്കു​മാ​ണ് സൂര്യാഘാതം മൂലം പൊള്ളൽ ഏൽക്കേണ്ടി വന്നത്. ആ​ശ​ങ്ക​ക്ക് നേ​രി​യ​ശ​മ​നം ഉ​ണ്ടാ​യി​ട്ടു​ണ്ടെ​ങ്കി​ലും മു​ൻ​ക​രു​ത​ൽ ഒ​രാ​ഴ്ച​കൂ​ടി തു​ട​ര​ണ​മെ​ന്നാ​ണ് ആ​രോ​ഗ്യ​വ​കു​പ്പ് നി​ർ​ദേ​ശി​ച്ചി​രി​ക്കു​ന്ന​ത്. സൂര്യാഘാതം ഏൽക്കാതെ ഒരാഴ്ച കൂടി സൂക്ഷിക്കണം എന്നാണ് കാലാവസ്ഥ വകുപ്പ് മുന്നറിയിപ്പ് നൽകുന്നത്.

പാ​ല​ക്കാ​ട്, തൃ​ശൂ​ർ, മ​ല​പ്പു​റം, കോ​ഴി​ക്കോ​ട്, ക​ണ്ണൂ​ർ, കാ​സ​ർ​കോ​ട്​, തി​രു​വ​ന​ന്ത​പു​രം, കൊ​ല്ലം, പ​ത്ത​നം​തി​ട്ട, കോ​ട്ട​യം, ആ​ല​പ്പു​ഴ, ഇ​ടു​ക്കി, എ​റ​ണാ​കു​ളം ജി​ല്ല​ക​ളി​ൽ ഏ​പ്രി​ൽ ര​ണ്ടു​വ​രെ രണ്ട് മുതൽ മൂന്ന് ഡിഗ്രി വരെ ചൂട് ഉയരാൻ സാധ്യത ഉണ്ടെന്നും കാലാവസ്ഥ വകുപ്പ് പറയുന്നുണ്ട്.ജനങ്ങൾ രാ​വി​ലെ 11 മു​ത​ൽ ഉ​ച്ച​ക​ഴി​ഞ്ഞ് മൂ​ന്നു​വ​രെ നേ​രി​ട്ട് സൂ​ര്യ​പ്ര​കാ​ശം ഏൽക്കാൻ പാടില്ലെന്ന് സം​സ്ഥാ​ന ദു​ര​ന്ത​നി​വാ​ര​ണ അ​തോ​റി​റ്റി​യും മു​ന്ന​റി​യി​പ്പ് നല്കുന്നു.

Also Read വാര്‍ണറുടേയും ബെയര്‍സ്റ്റോയുടേയും ബാറ്റിങിനെ അഭിനന്ദിച്ച് പ്രമുഖ താരങ്ങള്‍; വാക്കുകള്‍ കൊണ്ട് വിവരിക്കാവുന്നതിനും അപ്പുറമെന്ന് സച്ചിന്‍

അതേസമയം അ​ടു​ത്ത നാ​ല് ദി​വ​സം തെ​ക്ക​ൻ കേ​ര​ള​ത്തി​ലും ക​ണ്ണൂ​ർ, വ​യ​നാ​ട്, പ​ല​ക്കാ​ട് എന്നീ ജി​ല്ല​ക​ളി​ലും ചെറിയ തോ​തി​ൽ മഴയ്ക്ക് സാ​ധ്യ​ത​യുണ്ടെന്നും കാലാവസ്ഥ നിരീക്ഷണ കേന്ദ്രം പറയുന്നുണ്ട്. ഇതുവരെ ഏറ്റവും കൂടുതൽ ചൂട് രേഖപ്പെടുത്തിയത് പാലക്കാടാണ്.