അഞ്ച് വര്‍ഷത്തിലേറെയായി ഡ്യൂട്ടിക്കെത്തിയിട്ട്; 64 ഡോക്ടര്‍മാരെ പിരിച്ചുവിട്ട് ബിഹാര്‍ സര്‍ക്കാര്‍
ഡൂള്‍ന്യൂസ് ഡെസ്‌ക്
Friday, 13th January 2023, 9:54 pm
പട്‌ന: അഞ്ച് വര്‍ഷത്തിലേറെയായി അനുമതിയില്ലാതെ ഡ്യൂട്ടിയില്‍ നിന്ന് വിട്ടുനിന്ന 64 ഡോക്ടര്‍മാരെ ബിഹാര്‍ സര്‍ക്കാര്‍ സര്‍വീസില്‍ നിന്ന് പിരിച്ചുവിട്ടു.
വെള്ളിയാഴ്ച ബിഹാര്‍ മുഖ്യമന്ത്രി നിതീഷ് കുമാറിന്റെ അധ്യക്ഷതയില്‍ ചേര്‍ന്ന മന്ത്രിസഭാ യോഗത്തിലാണ് ഇത് സംബന്ധിച്ച് തീരുമാനമായത്. ആരോഗ്യവകുപ്പിന്റെ നിര്‍ദേശത്തെത്തുടര്‍ന്നാണ് നടപടി.
അരാരിയ, ഔറംഗാബാദ്, ബങ്ക, ഭഗല്‍പൂര്‍, ഭോജ്പൂര്‍, ഭര്‍ഭംഗ തുടങ്ങിയ ജില്ലകളിലെ സര്‍ക്കാര്‍ ഡോക്ടര്‍മാരെയാണ് സര്‍വീസില്‍ നിന്ന് പിരിച്ചുവിട്ടത്.
