കൊച്ചി: മമ്മൂട്ടി ചിത്രമായ ദി പ്രീസ്റ്റിലെ 63 തെറ്റുകള്‍ ചൂണ്ടിക്കാട്ടി യൂട്യൂബര്‍. കിരണ്‍ ജോണ്‍ ഇടിക്കുള എന്ന യൂട്യൂബറാണ് പ്രീസ്റ്റിലെ തെറ്റുകള്‍ വ്യക്തമാക്കി വീഡിയോ അപ്‌ലോഡ് ചെയ്തിരിക്കുന്നത്.
നേരത്തേയും പല സിനിമകളുടേയും തെറ്റുകള്‍ ചൂണ്ടിക്കാണിച്ച് വീഡിയോ ചെയ്തിട്ടുള്ളയാളാണ് കിരണ്‍ ജോണ്‍ ഇടിക്കുള.
മമ്മൂട്ടിയും മഞ്ജു വാര്യരും ആദ്യമായി ഒന്നിച്ച ദി പ്രീസ്റ്റ് പ്രേക്ഷക പ്രശംസ നേടിയിരുന്നു. നവാഗതനായ ജോഫിന്‍ ടി ചാക്കോയാണ് പ്രീസ്റ്റ് കഥയെഴുതി സംവിധാനം ചെയ്തത്.
മമ്മൂട്ടിക്കും മഞ്ജു വാര്യര്‍ക്കുമൊപ്പം നിഖില വിമല്‍, സാനിയ ഇയ്യപ്പന്‍, ജഗദീഷ്, രമേഷ് പിഷാരടി, ശിവദാസ് കണ്ണൂര്‍, ശിവജി ഗുരുവായൂര്‍, ദിനേശ് പണിക്കര്‍, നസീര്‍ സംക്രാന്തി, മധുപാല്‍, ടോണി, സിന്ധു വര്‍മ്മ, അമേയ (കരിക്ക് ഫെയിം) തുടങ്ങി നിരവധി താരങ്ങള്‍ ചിത്രത്തില്‍ അണിനിരക്കുന്നുണ്ട്.
ആന്റോ ജോസഫും ബി ഉണ്ണി കൃഷ്ണനും വി എന്‍ ബാബുവും ചേര്‍ന്നാണ് ചിത്രം നിര്‍മ്മിക്കുന്നത്. ജോഫിന്റെ കഥക്ക് ദീപു പ്രദീപും , ശ്യാം മേനോനുമാണ് തിരക്കഥ ഒരുക്കിയത്.
