ഉക്രൈന് പ്രതിരോധം 500 ദിനം പിന്നിട്ടു; കൊല്ലപ്പെട്ടത് 500 കുട്ടികള്‍ ഉള്‍പ്പെടെ 9000ത്തിലേറെ പേര്‍
ഡൂള്‍ന്യൂസ് ഡെസ്‌ക്
Saturday, 8th July 2023, 11:55 pm
കീവ്: റഷ്യന്‍ സൈന്യം ഉക്രൈനില്‍ നടത്തുന്ന അധിനിവേശ ശ്രമങ്ങള്‍ തുടങ്ങി 500 ദിവസം പിന്നിടവെ ശനിയാഴ്ച ഉക്രൈന് പിന്തുണയര്‍പ്പിച്ച് ഐക്യരാഷ്ട്ര സഭയും യൂറോപ്യന്‍ യൂണിയനും രംഗത്ത്. ഉക്രൈനെതിരെ 2022 ഫെബ്രുവരി 24 മുതല്‍ റഷ്യ നടത്തുന്ന ആക്രമണങ്ങളില്‍ 500 കുട്ടികള്‍ ഉള്‍പ്പെടെ 9000ത്തിലേറെ ഉക്രൈന് പൗരന്മാര്‍ കൊല്ലപ്പെട്ടതായി ഐക്യരാഷ്ട്ര സഭ ആരോപിച്ചു.
റഷ്യന്‍ ആക്രമണങ്ങളെ യു.എന്നിന് കീഴിലുള്ള ഉക്രൈന് മനുഷ്യാവകാശ മോണിറ്ററിങ് മിഷനാണ് (HRMMU) ശക്തമായി അപലപിച്ചത്. യഥാര്‍ഥ കണക്കുകള്‍ ഇതിലും എത്രയോ അധികമായിരിക്കുമെന്നും യു.എന്‍ സൂചിപ്പിച്ചു. ഉക്രൈനിലെ പൗരന്മാരുടെ ഭയപ്പെടുത്തുന്ന കൂട്ടക്കൊല അപലപനീയമാണെന്ന് യു.എന്‍ പ്രസ്താവനയിറക്കി.
