പൊട്ടിക്കാന്‍ തുടങ്ങിയ മുട്ട വായുവില്‍ ഉറച്ചുപോയാല്‍, നൂഡില്‍സ് കുത്തനെ നിന്നാല്‍; സൈബീരിയയില്‍ സംഭവിക്കുന്നത്, ചിത്രങ്ങള്‍ വൈറലാവുന്നു
ഡൂള്‍ന്യൂസ് ഡെസ്‌ക്
Friday, 1st January 2021, 10:53 am
മുട്ട പൊട്ടിച്ച് പാത്രത്തില്‍ ഒഴിക്കാന്‍ തുടങ്ങുമ്പോള്‍ മുട്ട വായുവില്‍ ഒട്ടിപ്പോയ അനുഭവം ഉണ്ടായിട്ടുണ്ടോ, നൂഡില്‍സ് കഴിക്കാന്‍ സ്പൂണില്‍ കോരിയെടുക്കുമ്പോള്‍ സ്പൂണോടുകൂടി നൂഡില്‍സ് വായുവില്‍ തങ്ങി നില്‍ക്കുന്നത് കണ്ടിട്ടുണ്ടോ. എന്നാല്‍ ലോകത്തിലെ ഏറ്റവും തണുപ്പുള്ള സ്ഥലങ്ങളിലൊന്നായ സൈബീരിയയില്‍ ഇതെല്ലാം സംഭവിക്കും.
നിമിഷങ്ങള്‍ക്കുള്ളില്‍ തണുത്തുറഞ്ഞ മുട്ടയുടെയും നൂഡില്‍സ് സ്പൂണിന്റെയും ഫോട്ടോ ഇതിനോടകം തന്നെ സമൂഹമാധ്യമങ്ങളില്‍ വൈറലായിക്കഴിഞ്ഞിരിക്കുകയാണ്. സൈബീരിയയിലെ നോവോസിബിര്‍സ്‌കില്‍ എന്ന സ്ഥലത്തുനിന്നുളള ചിത്രങ്ങളാണ് സമൂഹ മാധ്യമങ്ങളില്‍ പ്രചരിച്ചുകൊണ്ടിരിക്കുന്നത്. ട്വിറ്ററില്‍ ഒലെഗ് എന്ന പ്രൊഫൈലില്‍ നിന്നാണ് ചിത്രങ്ങള്‍ പുറത്തു വിട്ടത്.
