കര്‍ണാടകയില്‍ നബിദിന ഘോഷയാത്രക്ക് നേരെ കല്ലെറിഞ്ഞ കേസ്, 43 പേര്‍ അറസ്റ്റില്‍; മതവിദ്വേഷം അനുവദിക്കില്ലെന്ന് സിദ്ധരാമയ്യ
ഡൂള്‍ന്യൂസ് ഡെസ്‌ക്
Monday, 2nd October 2023, 7:26 pm
ബെംഗളൂരു: കര്‍ണാടകയില്‍ നബിദിന ഘോഷയാത്രക്ക് നേരെ കല്ലെറിഞ്ഞ സംഭവത്തില്‍ 43 പേര്‍ അറസ്റ്റില്‍. കേസില്‍ ഉള്‍പ്പെട്ട ബാക്കിയുള്ളവരെ തിങ്കളാഴ്ചയോടെ പിടികൂടാനാകുമെന്ന് പൊലീസ് പറഞ്ഞു.
ഇത്തരം സംഭവങ്ങളെ സംസ്ഥാന സര്‍ക്കാര്‍ വെച്ചുപൊറുപ്പിക്കില്ലെന്ന് കര്‍ണാടക മുഖ്യമന്ത്രി സിദ്ധരാമയ്യയും അറിയിച്ചു. സംഘര്‍ഷത്തിന്റെ പശ്ചാത്തലത്തില്‍ ശിവമോഗ ജില്ലയിലില്‍ തിങ്കളാഴ്ച ജില്ലാഭരണകൂടം 144 പ്രഖ്യാപിച്ചിരുന്നു. നിലവില്‍ സ്ഥിതിഗതികള്‍ നിയന്ത്രണ വിധേയമാണെന്നും മുഖ്യമന്ത്രി ഉറപ്പുവരുത്തി.
‘ശിവമോഗയില്‍ സമാധാനം നിലനിര്‍ത്താനുള്ള സാധ്യമായ നടപടികളെല്ലാം സര്‍ക്കാര്‍ കൈക്കൊള്ളും. മതവിദ്വേഷം പടര്‍ത്തുന്നവരെ വെറുതെ വിടില്ല. കര്‍ശന നിലപാടുകള്‍ സ്വീകരിക്കും. ഒരു മതപരിപാടിയിലേക്കും കല്ലെറിയുന്നത് ശരിയല്ല.
