ഡൂള്‍ന്യൂസിന്റെ സ്വതന്ത്ര മാധ്യമപ്രവര്‍ത്തനത്തെ സാമ്പത്തികമായി സഹായിക്കാന്‍ ഇവിടെ ക്ലിക്ക് ചെയ്യൂ
വടകര: ഭര്‍ത്താവ് വിവാഹബന്ധം വേര്‍പെടുത്തിയ സ്ത്രീക്ക് ജീവനാംശമായി 36 ലക്ഷം രൂപ നല്‍കാന്‍ കോടതി വിധി. മംഗലാട് സി.വി ഹൗസില്‍ പോക്കര്‍ ഹാജിയുടെ മകള്‍ നസീലക്കാണ് ഭര്‍ത്താവ് കണ്ടോത്ത് നവാസ് ജീവനാംശം നല്‍കണമെന്ന് വടകര ഒന്നാം ക്ലാസ് മജിസ്‌ട്രേറ്റ് കോടതി ഉത്തരവിട്ടത്.
വടകര കോടതിയുടെ ചരിത്രത്തില്‍ ഇതാദ്യമായാണ് ഇത്രയും വലിയ തുക ജീവനാംശമായി വിധിക്കുന്നത്. ഇതിനുപുറമെ ഇടക്കാല ചെലവിലേക്ക് 45,000 രൂപയും നല്‍കണം.
2018 ഏപ്രില്‍ 15 നാണ് നസീലയെ തലാഖ് ചൊല്ലി വിവാഹബന്ധം വേര്‍പിരിഞ്ഞത്. ഈ വിവാഹബന്ധത്തില്‍ ഇവര്‍ക്ക് ഒരാണ്‍കുട്ടിയും പെണ്‍കുട്ടിയുമുണ്ട്.
വിവാഹബന്ധം വേര്‍പിരിഞ്ഞതിന് ശേഷം ഖത്തറില്‍ ജോലിയുള്ള നവാസ് വീണ്ടും വിവാഹിതനായി. അതില്‍ ഒരു കുട്ടിയും ഉണ്ട്. മാസം 20,000 രൂപ നിരക്കില്‍ 15 വര്‍ഷത്തേക്കാണ് കോടതി ജീവനാംശം വിധിച്ചത്. അന്യായക്കാരിക്കു വേണ്ടി അഡ്വ. സി.പി. പ്രേംദാസ് ബാബു, അഡ്വ. കെ.വി. ലേഖ എന്നിവര്‍ ഹാജരായി.
ഡൂള്‍ന്യൂസിനെ ടെലഗ്രാം, വാട്‌സാപ്പ് എന്നിവയിലൂടേയും ഫോളോ ചെയ്യാം
Content Highlight: 36 lakh as alimony to a woman whose husband has divorced her