ഖരക്പൂര്‍ ഐ.ഐ.ടിയിലെ ഗവേഷണ വിദ്യാര്‍ത്ഥി ഹോസ്റ്റല്‍ മുറിയില്‍ തൂങ്ങിമരിച്ച നിലയില്‍
ഡൂള്‍ന്യൂസ് ഡെസ്‌ക്
Tuesday, 28th April 2020, 4:36 pm
ഖരക്പൂര്‍: ഖരഖ്പൂര്‍ ഐ.ഐ.ടിയിലെ ഗവേഷണ വിദ്യാര്‍ത്ഥിയെ ആത്മഹത്യ ചെയ്ത നിലയില്‍ കണ്ടെത്തി. ആന്ധ്രാ സ്വദേശിയായ ഭവാനി ഭട്ട്‌ല കോണ്ടാല്‍ റാവു(31)വിനെ ബി.ആര്‍ അംബേദ്കര്‍ ഹാളിലെ രണ്ടാം നിലയിലെ മുറിയിലാണ് തൂങ്ങിമരിച്ച നിലയില്‍ കണ്ടെത്തിയത്.
ഫോണിലൂടെ അദ്ദേഹത്തെ ബന്ധപ്പെടാന്‍ കഴിയാതെ വന്നപ്പോള്‍ റാവുവിന്റെ മാതാപിതാക്കള്‍ ഹോസ്റ്റലില്‍ റാവുവിന്റെ കൂടെ താമസിക്കുന്ന വിദ്യാര്‍ത്ഥികളെ വിളിക്കുകയായിരുന്നു.
അകത്തു നിന്ന് പൂട്ടിയ മുറി ഒരുപാട് സമയം മുട്ടിവിളിച്ചിട്ടും തുറക്കാതെ വന്നപ്പോള്‍ അവര്‍ പൊലീസിനെ അറിയിക്കുകയായിരുന്നു. പൊലീസാണ് മൃതദേഹം കണ്ടെത്തിയത്.
