ന്യൂറോളജിക്കല്‍ പ്രശ്‌നങ്ങളുമായി എത്തിയ രോഗിക്ക് കൊവിഡ് 19; എയിംസിലെ 30 ഓളം ആരോഗ്യപ്രവര്‍ത്തകര്‍ ക്വാറന്റൈനില്‍
ഡൂള്‍ന്യൂസ് ഡെസ്‌ക്
Thursday, 9th April 2020, 7:36 am
ന്യൂദല്‍ഹി: എയിംസില്‍ അഡ്മിറ്റ് ചെയ്ത രോഗിക്ക് കൊവിഡ് 19 സ്ഥിരീകരിച്ചതിനെത്തുടര്‍ന്ന് എംയിസിലെ 30 ഓളം ആരോഗ്യപ്രവര്‍ത്തകരെ ക്വാറന്റൈനിലേക്ക് മാറ്റി.
ന്യൂറോളജിക്കല്‍ പ്രശ്‌നങ്ങളുമായി ആശുപത്രിയില്‍ എത്തിയ 70 കാരനെ ആശുപത്രിയിലെ കാര്‍ഡിയോ ന്യൂറോ സെന്ററില്‍ പ്രവേശിപ്പിച്ചിരുന്നു. ശ്വസന പ്രശ്‌നങ്ങള്‍ കൂടിയപ്പോള്‍ കൊവിഡ് വൈറസ് ടെസ്റ്റ് നടത്തുകയും ഫലം പോസിറ്റീവ് ആവുകയുമായിരുന്നു. രോഗിക്ക് കൊവിഡ് വൈറസാണെന്ന് തിരിച്ചറിയുന്നതിന് മുന്‍പ് നിരവധി ഡോക്ടര്‍മാരും നഴ്‌സുമാരും അദ്ദേഹവുമായി ഇടപഴകിയിരുന്നു.
