കാര്‍ഷിക നിയമത്തിനെതിരെ പ്രതിഷേധം; ഒഡീഷ നിയമ സഭയ്ക്കുമുന്നില്‍ കര്‍ഷകര്‍ ആത്മഹത്യയ്ക്ക് ശ്രമിച്ചു
ഡൂള്‍ന്യൂസ് ഡെസ്‌ക്
Saturday, 28th November 2020, 9:59 am
ബുവനേശ്വര്‍: കാര്‍ഷിക നിയമത്തില്‍ പ്രതിഷേധിച്ച് ഒഡീഷ നിയമസഭയ്ക്ക് മുന്നില്‍ മൂന്ന് കര്‍ഷകര്‍ ആത്മഹത്യയ്ക്ക് ശ്രമിച്ചു. ദേഹത്ത് സ്വയം തീവെക്കുകയായിരുന്നു ഇവര്‍.
കര്‍ഷകരെ പൊലീസ് അവിടെ വെച്ച് തന്നെ കസ്റ്റഡിയിലെടുത്തു. കേന്ദ്രത്തിന്റെ കാര്‍ഷിക നിമയമത്തില്‍ പ്രതിഷേധിച്ചും ഒഡീഷയിലെ അതഗര്‍ ജില്ലയിലെ സഹകരണ ബാങ്കിലെ ലോണ്‍ ക്രമക്കേടുമാണ് കര്‍ഷകരെ ആത്മഹത്യ ശ്രമത്തിന് പ്രേരിപ്പിച്ചതെന്നാണ് പറയുന്നത്.
കര്‍ഷകരുടെ ആവശ്യങ്ങള്‍ അധികാരികളുടെ ശ്രദ്ധയില്‍പ്പെടുത്തിയെങ്കിലും കൃത്യമായ നടപടി ഉണ്ടായില്ല എന്നാണ് കര്‍ഷകര്‍ പറയുന്നത്.
