അരവിന്ദ് കെജ്‌രിവാളിനെതിരെ അപകീര്‍ത്തികരമായ പരാമര്‍ശം; മൂന്ന് ബി.ജെ.പി എം.എല്‍.എമാര്‍ക്ക് സസ്‌പെന്‍ഷന്‍
ഡൂള്‍ന്യൂസ് ഡെസ്‌ക്
Monday, 28th March 2022, 3:01 pm
ന്യൂദല്‍ഹി: മുഖ്യമന്ത്രി അരവിന്ദ് കെജ്‌രിവാളിനെതിരെ ദല്‍ഹി ബി.ജെ.പി അധ്യക്ഷന്‍ ആദേശ് കുമാര്‍ ഗുപ്ത നടത്തിയ അപകീര്‍ത്തികരമായ പരാമര്‍ശത്തില്‍ ദല്‍ഹി നിയമസഭാ സ്പീക്കര്‍ രാം നിവാസ് ഗോയല്‍ മൂന്ന് ബി.ജെ.പി എം.എല്‍.എമാരെ സസ്പെന്‍ഡ് ചെയ്തു.
ആം ആദ്മി പാര്‍ട്ടിയുടെ പ്രതിഷേധം ശക്തമായതിനെ തുടര്‍ന്നാണ് സ്പീക്കര്‍ നടപടിയെടുത്തത്.
എം.എല്‍.എമാരായ അനില്‍ ബാജ്പേയ്, ജിതേന്ദര്‍ മഹാജന്‍, അജയ് മഹാവാര്‍ എന്നിവര്‍ ബെഞ്ചുകളില്‍ നിന്ന് ബഹളം വെക്കുകയും ഇരിക്കാന്‍ സ്പീക്കര്‍ അഭ്യര്‍ത്ഥിച്ചെങ്കിലും കേള്‍ക്കാന്‍ തയ്യാറാവാത്തതിനെ തുടര്‍ന്ന് പുറത്തുപോകാന്‍ പറയുകയുമായിരുന്നു.
