വാക്സിന് വേണ്ടി രജിസ്റ്റര്‍ ചെയ്യുന്നവരുടെ എണ്ണം ഒരു മിനുട്ടില്‍ 27 ലക്ഷം
ഡൂള്‍ന്യൂസ് ഡെസ്‌ക്
Wednesday, 28th April 2021, 6:37 pm
ന്യൂദല്‍ഹി: കൊവിഡ് വാക്‌സിനേഷനുള്ള രജിസ്ട്രേഷന് തുടങ്ങിയതിന് പിന്നാലെ കൊവിന്‍ സൈറ്റില്‍ രജിസ്ട്രേഷന് എത്തുന്നവരുടെ എണ്ണം ഒരു മിനുട്ടില്‍ ലക്ഷങ്ങളെന്ന് റിപ്പോര്‍ട്ട്. ഒരു മിനുട്ടില്‍ 27 ലക്ഷം ഹിറ്റുകള്‍ ലഭിക്കുന്നുണ്ടെന്നാണ് സര്‍ക്കാര്‍ വൃത്തങ്ങള്‍ അറിയിച്ചത്.
18 വയസിനുള്ളവരുടെ വാക്‌സിനേഷനായുള്ള രജിസ്ട്രേഷന് തുടങ്ങിയതിന് പിന്നാലെ കൊവിന്‍ പോര്‍ട്ടല്‍ പ്രവര്‍ത്തനം തടസപ്പെട്ടിരുന്നു. നാല് മണിയോടെയാണ് കൊവിന്‍ ആപ്പ് പ്രവര്‍ത്തനരഹിതമായത്. 4.20 ഓടെ ചിലര്‍ക്ക് വെബ്‌സൈറ്റ് ലഭ്യമായി തുടങ്ങിയെങ്കിലും ഒ.ടി.പി ലഭിക്കാത്തതിനാല്‍ രജിസ്ട്രേഷന് നടപടികള്‍ പൂര്‍ത്തിയാക്കാന്‍ സാധിച്ചിരുന്നില്ല.
