വര്‍ഗീയ പരാമര്‍ശം, കലാപാഹ്വാനം; കങ്കണയേയും സഹോദരിയേയും മൂന്നാം തവണ വിളിപ്പിച്ച് മുംബൈ പൊലീസ്
ഡൂള്‍ന്യൂസ് ഡെസ്‌ക്
Wednesday, 18th November 2020, 5:27 pm
മുംബൈ: നടി കങ്കണ റണൗത്തിനെയും സഹോദരി രംഗോലി ചന്ദലിനെയും മൂന്നാം തവണ വിളിപ്പിച്ച് മുംബൈ പൊലീസ്. മതവികാരം വ്രണപ്പെടുത്തുന്ന തരത്തില്‍ സോഷ്യല്‍ മീഡിയയില്‍ നടത്തിയ പരാമര്‍ശങ്ങളെ തുടര്‍ന്നാണ് പൊലീസ് നടപടി. നവംബര്‍ 24, 25 എന്നീ തിയ്യതികളില്‍ പൊലീസിന് മുമ്പില്‍ ഹാജരാവാനാണ് നിര്‍ദ്ദേശം.
നേരത്തെ രണ്ടുതവണ പൊലീസ് രംഗോലിയെയും കങ്കണയെയും വിളിപ്പിച്ചിരുന്നെങ്കിലും ഇവര്‍ ഹാജരായിരുന്നില്ല. ഒക്ടോബര്‍ 26, 27 തിയ്യതികളിലായി കോടതിക്ക് മുമ്പില്‍ ഹാജരാവാനായിരുന്നു ആദ്യ നിര്‍ദ്ദേശം. ഈ ദിവസങ്ങളില്‍ ഹാജരാവാതിരുന്നതിനെ തുടര്‍ന്ന് നവംബര്‍ പത്തിനും പതിനൊന്നിനും വിളിപ്പിച്ചു എന്നാല്‍ അന്നും ഇരുവര്‍ക്കും ഹാജരാവാനിയിരുന്നില്ല.
