കൊവിഡ് വാക്‌സിന്‍ പാഴാക്കിക്കളഞ്ഞ് സംസ്ഥാനങ്ങള്‍; പത്തുകോടിയില്‍ ഉപയോഗശൂന്യമാക്കിക്കളഞ്ഞത് 44 ലക്ഷത്തിലധികം ഡോസുകള്‍
ഡൂള്‍ന്യൂസ് ഡെസ്‌ക്
Tuesday, 20th April 2021, 12:56 pm
ന്യൂദല്‍ഹി: വിവിധ സംസ്ഥാനങ്ങള്‍ക്ക് അനുവദിച്ച കൊവിഡ് വാക്‌സിനില്‍ 23 ശതമാനം വാക്‌സിന്‍ പാഴാക്കിക്കളഞ്ഞെന്ന് വിവരാവകാശ രേഖകള്‍.
രാജ്യത്ത് വാക്‌സിന്‍ക്ഷാമം രൂക്ഷമായിക്കൊണ്ടിരിക്കുന്ന സാഹചര്യത്തിലാണ് രേഖകള്‍ പുറത്തുവന്നത്.ഏറ്റവും കൂടുതല്‍ വാക്‌സിന്‍ പാഴാക്കിക്കളഞ്ഞ സംസ്ഥാനം തമിഴ്‌നാടാണ്. 12.10 ശതമാനം വാക്‌സിനാണ് തമിഴ്‌നാട് പാഴാക്കിക്കളഞ്ഞത്. ഹരിയാന 9.74, പഞ്ചാബ് 8.12 മണിപ്പൂര്‍ 7.8, തെലങ്കാന 7.55 ശതമാനം എന്നിങ്ങനെയാണ് കണക്കുകള്‍.
ഏപ്രില്‍ 11 വരെ സംസ്ഥാനങ്ങള്‍ ഉപയോഗിച്ച 10 കോടി ഡോസുകളില്‍ 44 ലക്ഷത്തിലധികം ഡോസുകള്‍ പാഴായതായി വിവരാവകാശ രേഖകള്‍ പറയുന്നു.
