മൂന്നാം തവണയും ഷി ജിന്‍പിങ് പ്രസിഡന്റാകും; ചൈനയില്‍ ഒരാഴ്ച നീണ്ടുനില്‍ക്കുന്ന പാര്‍ട്ടി കോണ്‍ഗ്രസിന് തുടക്കം
ഡൂള്‍ന്യൂസ് ഡെസ്‌ക്
Sunday, 16th October 2022, 10:29 am
ബീജിങ്: ചൈനയില്‍ 20ാമത് കമ്മ്യൂണിസ്റ്റ് പാര്‍ട്ടിയുടെ പഞ്ചവത്സര കോണ്‍ഗ്രസ് ഞായറാഴ്ച മുതല്‍ തുടങ്ങും. ഒരാഴ്ചത്തെ പാര്‍ട്ടി കോണ്‍ഗ്രസില്‍ തെരഞ്ഞെടുക്കപ്പെട്ട 2,296 പ്രതിനിധികളാണ് പങ്കെടുക്കുന്നത്.
അഞ്ച് വര്‍ഷത്തിലൊരിക്കല്‍ നടക്കുന്ന പാര്‍ട്ടി കോണ്‍ഗ്രസിലാണ് ചൈനീസ് കമ്യൂണിസ്റ്റ് പാര്‍ട്ടി ആശയപരവും തന്ത്രപരവുമായ ആലോചനകള്‍ നടത്തുന്നത്.
മൂന്നാം തവണയും ഷി ജിന്‍പിങ് രാജ്യത്തിന്റെ പ്രസിഡന്റാകുമെന്നാണ് റിപ്പോര്‍ട്ടുകള്‍. രണ്ട് തവണ മാത്രമേ അധികാരത്തിലേറാവൂ എന്ന ചട്ടം 2018ല്‍ ഷി ജിന്‍ പിങിന് വേണ്ടി റദ്ദാക്കിയിരുന്നു. 2012 മുതല്‍ ചൈനീസ് പാര്‍ട്ടി കോണ്‍ഗ്രസിന്റെ ജനറല്‍ സെക്രട്ടറിയും 2013 മുതല്‍ ചൈനയുടെ പ്രസിഡന്റുമാണ് ഷി ജിന്‍ പിങ്.
