കശ്മീരില്‍ നിയന്ത്രണരേഖയ്ക്ക് സമീപം കുഴിബോംബ് സ്‌ഫോടനം; രണ്ട് സൈനികര്‍ കൊല്ലപ്പെട്ടു
ഡൂള്‍ന്യൂസ് ഡെസ്‌ക്
Saturday, 30th October 2021, 7:41 pm
ശ്രീനഗര്‍: കശ്മീരിലെ നൗഷേരാ-സുന്ദര്‍ബനി സെക്ടറില്‍ കുഴിബോംബ് പൊട്ടി രണ്ട് സൈനികര്‍ കൊല്ലപ്പെട്ടതായി റിപ്പോര്‍ട്ട്. സ്‌ഫോടനത്തില്‍ 3 പേര്‍ക്ക് പരിക്കേറ്റതായും റിപ്പോര്‍ട്ടില്‍ സൂചിപ്പിക്കുന്നു.
ലൈന്‍ ഓഫ് കണ്‍ട്രോളിന് സമീപം നടത്തിയ പെട്രോളിംഗിനിടെയാണ് സ്‌ഫോടനമുണ്ടായതെന്നാണ് ഔദ്യോഗിക വൃത്തങ്ങള്‍ സൂചിപ്പിക്കുന്നത്.
പരിക്കേറ്റ സൈനികരെ സൈനിക ആശുപത്രിയില്‍ പ്രവേശിപ്പിച്ചു. രണ്ട് സൈനികരുടെ നില അതീവ ഗുരുതരമാണ്.
ജമ്മുവിലെ പിര്‍പഞ്ജല്‍ മേഖലയുടെ ഭാഗമായ രജൗരി ജില്ലയിലാണ് സ്‌ഫോടനം നടന്ന നൗഷേരാ സെക്ടര്‍ വരുന്നത്. കഴിഞ്ഞ മൂന്നാഴ്ചയിലധികമായി ഈ മേഖലയിസല്‍ സൈന്യത്തിന്റെ ഓപ്പറേഷനുകള്‍ നടന്നുവരികയാണ്.
