അതൊരു വലിയ കഥയാ മോനേ,പറഞ്ഞ് തുടങ്ങിയാ ഒരു പത്ത് മുപ്പത് കൊല്ലത്തെ ചരിത്രം പറയേണ്ടിവരും; കിടിലന്‍ ലുക്കില്‍ മമ്മൂക്കയും പിള്ളേരും; 18ാം പടി ട്രെയ്‌ലര്‍
എന്റര്‍ടെയിന്‍മെന്റ് ഡെസ്‌ക്
Thursday, 27th June 2019, 8:03 pm
കൊച്ചി: ശങ്കര്‍ രാമകൃഷ്ണന്‍ സംവിധാനം ചെയ്യുന്ന 18ാം പടിയുടെ ട്രെയ്‌ലര്‍ പുറത്തുവിട്ടു. നടന്‍ ദുല്‍ഖര്‍ സല്‍മാനാണ് ട്രെയ്‌ലര്‍ റിലീസ് ചെയ്തത്. ‘ജോണ്‍ എബ്രഹാം പാലയ്ക്കല്‍’ എന്ന യൂണിവേഴ്സിറ്റി പ്രൊഫസറുടെ റോളിലാണ് ചിത്രത്തില്‍ മമ്മൂട്ടി എത്തുക.
15 തിയേറ്റര്‍ ആര്‍ട്ടിസ്റ്റുകള്‍ ഉള്‍പ്പെടെ 65 പുതുമുഖ അഭിനേതാക്കളാണ് ചിത്രത്തിലുള്ളത്. പൃഥ്വിരാജ്, ഉണ്ണി മുകുന്ദന്‍, ആര്യ, രാജീവ് പിള്ള എന്നിവര്‍ അതിഥി താരങ്ങളായി എത്തും.
ഇവരെക്കൂടാതെ അഹാന കൃഷ്ണകുമാര്‍, മണിയന്‍പിള്ള രാജു, സുരാജ് വെഞ്ഞാറമ്മൂട്, പ്രിയാമണി, ലാലു അലക്‌സ്, നന്ദു, മനോജ് കെ ജയന്‍, മാലാ പാര്‍വ്വതി എന്നിവരും ചിത്രത്തിലുണ്ട്.
