സീറ്റ് മോഹിച്ച് നാല് വര്‍ഷത്തിനിടയില്‍ കോണ്‍ഗ്രസില്‍ നിന്ന് മറുകണ്ടം ചാടിയത് 170 എം.എല്‍.എമാര്‍
ഡൂള്‍ന്യൂസ് ഡെസ്‌ക്
Thursday, 11th March 2021, 7:19 pm
ന്യൂദല്‍ഹി:2016-2020 തെരഞ്ഞെടുപ്പ് കാലയളവില്‍ മറ്റ് പാര്‍ട്ടികളില്‍ ചേരാന്‍ കോണ്‍ഗ്രസ് വിട്ട് പുറത്തുപോയത് 170 എം.എല്‍.എമാരെന്ന് അസോസിയേഷന്‍ ഫോര്‍ ഡെമോക്രാറ്റിക് റിഫോംസ് (എ.ഡി.ആര്‍) റിപ്പോര്‍ട്ട്.
അതേസമയം 18 ബി.ജെ.പി എം.എല്‍.എമാര്‍ മാത്രമാണ് തെരഞ്ഞെടുപ്പില്‍ മത്സരിക്കാമെന്ന ഉദ്ദേശ്യത്തോടെ ഈ കാലയളവില്‍ പാര്‍ട്ടി വിട്ടത്.
2016-2020 കാലയളവില്‍ രാഷ്ട്രീയ പാര്‍ട്ടികള്‍ മാറിയ 405 എം.എല്‍.എമാരില്‍ 182 പേര്‍ ബി.ജെ.പിയില്‍ ചേര്‍ന്നുവെന്നും 38 പേര്‍ കോണ്‍ഗ്രസില്‍ ചേര്‍ന്നതായും 25 പേര്‍ തെലങ്കാന രാഷ്ട്ര സമിതിയില്‍ ചേര്‍ന്നതായും റിപ്പോര്‍ട്ടില്‍ പറയുന്നു.
