ഉത്തരേന്ത്യയില്‍ മഴക്കെടുതികളില്‍ 15 മരണം; ഹിമാചല്‍ പ്രദേശില്‍ ഒമ്പത് മരണം; രണ്ട് ദിവസം പൊതുഅവധി
ഡൂള്‍ന്യൂസ് ഡെസ്‌ക്
Sunday, 9th July 2023, 9:48 pm
ന്യൂദല്‍ഹി: ഉത്തരേന്ത്യയില്‍ വിവിധ സംസ്ഥാനങ്ങളിലുണ്ടായ പേമാരിയിലും മഴക്കെടുതികളിലുമായി 15 മരണം റിപ്പോര്‍ട്ട് ചെയ്തു. മിന്നല്‍ പ്രളയമുണ്ടായ ഹിമാചല്‍ പ്രദേശിലെ മഴക്കെടുതികളില്‍ ഇതിനോടകം ഒമ്പത് പേര്‍ മരിച്ചതായാണ് വിവരം. മരണസംഖ്യ ഇതിലും ഉയരുമെന്നാണ് ദേശീയ മാധ്യമങ്ങള്‍ റിപ്പോര്‍ട്ട് ചെയ്യുന്നത്.
ഹിമാചല്‍ പ്രദേശില്‍ ഏഴ് ജില്ലകളില്‍ റെഡ് അലേര്‍ട്ട് പ്രഖ്യാപിച്ചിട്ടുണ്ട്. നാളെയും അതിതീവ്ര മഴ തുടരുമെന്നാണ് റിപ്പോര്‍ട്ട്. കഴിഞ്ഞ 24 മണിക്കൂറിനിടെ 228 മില്ലിമീറ്റര്‍ മഴയാണ് ഹിമാചല്‍ പ്രദേശില്‍ പെയ്തത്.
