കൊച്ചി: ലോകം മുഴുവന്‍ കൊവിഡ് ഭീഷണിയിലാണ്. ലോകത്തിന്റെ പലഭാഗങ്ങളും ലോക്ക് ഡൗണിലാണ് ഇപ്പോള്‍. എന്നാല്‍ ഈ ലോക്ക് ഡൗണ്‍ കാലത്ത് ഒരു സിനിമ ഒരുക്കിയിരിക്കുകയാണ് മലപ്പുറം സ്വദേശിനിയായ അനു ചന്ദ്ര.
‘1000 മൈല്‍സ് അപ്പാര്‍ട്ട്, 1 സെന്റീമീറ്റര്‍ ക്ലോസ്’ എന്ന പേരില്‍ ഒരുക്കിയിരിക്കുന്ന ഈ ഷോട്ട് ഫിലിമിന്റെ അണിയറയില്‍ ലോകത്തിന്റെ വിവിധ ഭാഗങ്ങളില്‍ ഉള്ളവരാണ് എന്ന പ്രത്യേകതയും ഉണ്ട്.
ഇറ്റലി, മലപ്പുറം, തൃശ്ശൂര്‍ എന്നിവിടങ്ങളില്‍ ഇരുന്നാണ് ഈ ചിത്രം നിര്‍മ്മിച്ചെടുത്തത്. അനു ചന്ദ്ര, സുബിന്‍ ടോണി സുരേഷ്, ആദിത്യ സഞ്ജു മാധവ് എന്നവര്‍ ചേര്‍ന്നാണ് ഈ സിനിമ എടുത്തത്.
ചിത്രത്തിന്റെ ക്യാമറാമാന്‍ ആയ സുബിന്റെ അമ്മയും അനിയത്തിയും ഒരു വിദേശ പൗരനുമാണ് ഷോര്‍ട് ഫിലിമില്‍ അഭിനയിച്ചിരിക്കുന്നത്. പ്രിയപെട്ടവരെ കാണാനാകാതെ വിദേശത്തു ജോലി ചെയ്യുന്ന ഒരു നഴ്സിന്റെ കഥയണ് ഈ സിനിമ പറയുന്നതെന്ന് സംവിധായിക അനു ചന്ദ്ര ഡൂള്‍ന്യൂസിനോട് പറഞ്ഞു.
ചിത്രീകരണം വീഡിയോ കോളിലൂടെയായിരുന്നു അനു ചന്ദ്ര ചിത്രീകരണത്തിന് ആവശ്യമായ നിര്‍ദ്ദേശങ്ങള്‍ നല്‍കിയത്.
എറണാകുളത്തുള്ള ജെനിയാണ് ചിത്രത്തിന് ഡബ്ബ് ചെയ്തത്. വോയ്സ് മെസേജായാണ് ജെനി ഡബ്ബിങ്ങിനു വേണ്ടതെല്ലാം അയച്ചു കൊടുത്തത്. . ആന്റണി ജോസ് പോളാണ് ചിത്രത്തിന്റെ പശ്ചാത്തല സംഗീതം നിര്‍വഹിച്ചിരിക്കുന്നത്.
ഡൂള്‍ന്യൂസിനെ ഫേസ്ബുക്ക്, ടെലഗ്രാം, ഹലോ പേജുകളിലൂടെയും ഫോളോ ചെയ്യാം.
വീഡിയോ സ്‌റ്റോറികള്‍ക്കായി ഞങ്ങളുടെ യൂട്യൂബ് ചാനല്‍ സബ്‌സ്‌ക്രൈബ് ചെയ്യുക.