ഹിന്ദുപെണ്‍കുട്ടിയുമായി പ്രണയം; മുസ്‌ലിം യുവാവിനെ കൊലപ്പെടുത്തിയ കേസില്‍ ശ്രീറാം സേന പ്രവര്‍ത്തകനുള്‍പ്പെടെ 10 പേര്‍ പിടിയില്‍
ഡൂള്‍ന്യൂസ് ഡെസ്‌ക്
Friday, 8th October 2021, 2:10 pm
ബെംഗളൂരു: 24 വയസുകാരനായ മുസ് ലിം യുവാവിനെ കൊലപ്പെടുത്തിയ കേസില്‍ ഹിന്ദുത്വ വലതുപക്ഷ സംഘടനയുടെ പ്രാദേശിക നേതാവ് ശ്രീറാം സേന നേതാവ് ഉള്‍പ്പെടെ 10 പേര്‍ പൊലീസ് പിടിയില്‍.
അര്‍ബാസ് അഫ്താബ് മുല്ലയെന്ന യുവാവിനെയാണ് ഇവര്‍ കൊലപ്പെടുത്തിയത്. റെയില്‍വേ ട്രാക്കിലായിരുന്നു മുല്ലയുടെ മൃതദേഹം കിടന്നിരുന്നത്.
മകന്റേത് കൊലപാതകമാണെന്ന് പറഞ്ഞ് മുല്ലയുടെ അമ്മ പരാതി നല്‍കിയിരുന്നു. മൂന്ന് പേര്‍ ചേര്‍ന്ന് മകനെ കൊലപ്പെടുത്തുകയായിരുന്നു എന്നാണ് ഇവര്‍ പരാതിയില്‍ പറഞ്ഞിരുന്നത്.
